Нийслэл хот байгуулагдсаны 380 жилийн ой, Нийтийн аж ахуйн үйлчилгээний салбар үүсэж хөгжсөний 88 жилийн ойн баярыг манай хамт олон 2019.10.12-ны өдөр тэмдэглэн өнгөрүүллээ.
Тус арга хэмжээний үеэр хамт олноо тэргүүлэн, идэвх зүтгэл гарган олон жил үр бүтээлтэй ажилласан БХБЯ-ны “Нийтийн аж ахуйн тэргүүний ажилтан” хүндэт тэмдгээр сантехникийн слесарь П.Нямдаваа, лифтчин Д.Дэлгэрмаа, үйлчлэгч С.Нансалмаа, П.Мягмарсүрэн, ХХААХҮЯ-ны “Худалдаа, аж үйлдвэрийн тэргүүний ажилтан” хүндэт тэмдгээр ерөнхий тогооч Э.Гал-Эрдэнэ, ахлах тогооч Б.Болор-Эрдэнэ, ХНХЯ-ны “Жуух бичиг”-ээр үйлчлэгч Н.Мэндээ, О.Өлзийсүрэн, НИТХ-ын “Хүндэт үнэмлэх ”-ээр үйлчлэгч С.Саранцэцэг, М.Даваасүрэн, Ц.Чимгээ, НЗД-ын “Жуух бичиг”-ээр мужаан Э.Амарсайхан, үйлчлэгч Ц.Батчимэг, зөөгч Ж.Отгонцэцэг, касс Г.Мөнхцэцэг, “Нийслэлийн тэргүүний ажилтан”-аар тооцооны нягтлан бодогч П.Ариунцэцэг, угтах үйлчилгээний ажилтан Б.Болор нарыг тус тус шагнаж урамшууллаа.
Мөн хамт олноо манлайлан ажил үйлсээрээ тэргүүлэн ажиллаж байгууллагын “ШИЛДЭГ АЖИЛТАН”-аар шалгарсан Хууль эрх зүй, тогтоол шийдвэрийн хэрэгжилт хариуцсан ажилтан Э.Хоролдулам, хянагч оператор А.Баатар, үйлчлэгч Н.Алтанчимэг, Д.Наранцэцэг нарыг газрын даргын нэрэмжит өргөмжлөл, мөнгөн шагналаар шагнасан.
Байгууллага ажилтан, албан хаагчдынхаа нийгмийн баталгааг хангахад дэмжлэг үзүүлэх зорилгоор гэр хороололд амьдарч буй нийт 77 албан хаагчдад түлшний хөнгөлөлт үзүүлэн эрхийн бичиг гардуулав.
Нийт хамт олондоо ажил үйлсэд нь өндөр амжилт хүсч удахгүй болох Нийслэлийн 380 жилийн ойн баярын мэнд хүргэе.
