Монгол Улсын нийслэл үүсэн байгуулагдсаны түүхт 384 жилийн ойг тохиолдуулан Нийслэлийн удирдлагууд нийслэлийн анхны шавыг тавьсан газар буюу Өвөрхангай аймгийн Бүрд сумын гуравдугаар багийн нутаг Их Монгол уулын бэл, Ширээт цагаан нуурын хөвөөнд орших Гэрэлт хөшөөнд хүндэтгэл үзүүллээ.
Уг арга хэмжээний үеэр Нийслэлийн нийтлэг үйлчилгээний газрын 40 гаруй албан хаагчийн бүрэлдэхүүнтэй баг хамт олон нийслэл, орон нутгийн удирдлагууд болон хүрэлцэн ирсэн зочид, төлөөлөгчид, нутгийн иргэдэд батлагдсан цэсийн дагуу хүндэтгэлийн хоол, зоогийн үйлчилгээг амжилттай зохион байгуулан ажиллалаа.
