Нийслэлийн Нийтлэг үйлчилгээний газрын даргын шуурхай зөвлөгөөн 2020 оны 02 дугаар сарын 03-ны өдрийн 14:00 цагт НЗЗ-ны 2 дугаар байрны 14 давхарын хурлын А зааланд боллоо.

Өмнөх шуурхай зөвлөгөөнөөс өгсөн үүрэг даалгаврын биелэлтийг ЗСХ-ийн дарга Ч.Шинэчимэг, 1 дүгээр сарын 13-ны өдрөөс хойш Хариуцлагатай эргүүл жижүүр хийсэн талаар Байр ашиглалтын албаны дарга Г.Батзаяа, “Нэг хот-нэг стандарт” зорилтот жилийн хүрээнд НЗД-ын 2019 оны А/1343 дугаар захирамжаар баталсан болзолт уралдааны удирдамж болон бусад мэдээллийг ЗСХ-ийн Ч.Шинэчимэг, НЗД-ын 108 дугаар захирамж болон мэдээллийн аюулгүй байдлын талаар ХЭТШХХАжилтан Э.Хоролдулам нар албан хаагчдад танилцуулав.

Нийслэлийн удирдах ажилтнуудын 2020 оны 01 дүгээр сарын 20-ны өдрийн болон 02 дугаар сарын 03-ны өдрийн шуурхай зөвлөгөөнд яригдсан асуудал болон байгууллагын үйл ажиллагаа, цаг үетэй холбоотой асуудлын талаар дарга Х.Эрдэнэбилэг танилцуулж, дараах үүрэг даалгаврыг өглөө.

Нийслэлийн Удирдах ажилтны шуурхай зөвлөгөөнөөс өгсөн үүрэг даалгавар:

1. Ажлын байр болон ойр орчмыг цэвэрхэн байлгаж өнгө үзэмжийг сайжруулах
2. Үүрэг даалгаврыг цаг хугацаанд нь биелүүлж байх, биелүүлээгүй тохиолдолд арга хэмжээг хамтад нь авч байх;
3. Монгол Улсын Засгийн газрын 30 дугаар тогтоол, НЗД-ын 108 дугаар захирамж болон Нийслэлийн Онцгой комиссын 01 дүгээр хурлын тэмдэглэлийн биелэлтэнд анхаарах;
4. Бага насны хүүхдийг олон нийтийн газар дагуулж явахгүй байх,
5. НЗЗ-ны байрууд дээр Коронавирусээс урьдчилан сэргийлэх арга хэмжээг авах;

Цаг үетэй холбоотой дараах үүрэг даалгаврыг өгөв.

1. НЗЗ-ны байрууд болон НҮНТ-үүд, Баянхошуу дэд төв дээр сар шинийн баяр болох гэж байгаатай холбогдуулан цэвэрлэгээ үйлчилгээг хийх, эвдэрч хэмхэрсэн зүйлүүдийг засаж янзлан өнгө үзэмжийг сайжруулах.
2. НЗЗ-ны байрууд болон НҮНТ-үүд, Баянхошуу дэд төв дээр Коронавирусээс урьдчилэн сэргийлэх арга хэмжээг авч ажиллах.
3. Гүйцэтгэлийн төлөвлөгөө болон бусад төлөвлөгөөнүүдийг боловсруулж газрын даргад танилцуулах.
4. Тэтгэвэрт гарч байгаа ажилтан, албан хаагчдад хүндэтгэл үзүүлэх арга хэмжээг зохион байгуулах
5. Сайжруулсан түлшний борлуулалтанд 24 цагийн хяналт тавих, 4 дүгээр хороонд угаарын хий мэдрэгч төхөөрөмжийг тараах албан хаагчдын хуваарийг гаргах,
6. ХАСХОМ-ийг цаг хугацаанд нь өгч дуусгах.