Нийслэлийн Нийтлэг үйлчилгээний газрын даргын шуурхай зөвлөгөөн 2019 оны 06 дугаар сарын 24-ний өдрийн 14:00 цагт НЗЗ-ны 2 дугаар байрны 14 давхарт Хурлын Б зааланд 99%-ийн ирцтэйгээр болж өндөрлөлөө.
Шуурхай зөвлөгөөний үеэр өмнөх шуурхай зөвлөгөөнөөс өгсөн үүрэг даалгаврын биелэлт, шинээр орсон ажилтныг танилцуулах болон бусад асуудлын талаар нийт ЗСХ-ийн албан хаагчдад танилцууллаа.

Нийслэлийн удирдах ажилтнуудын 2019 оны 06 дугаар сарын 24-ны өдрийн шуурхай зөвлөгөөнөөс өгсөн үүрэг даалгаврыг Орлогч дарга С.Доржсүрэн албан хаагчдад танилцуулав. Үүнд:

Нийслэлийн удирдах ажилтнуудын шуурхай зөвлөгөөнөөс:

1. Үндэсний их баяр наадмын бэлтгэл ажлыг өөрсдийн үйл ажиллагааны чиглэлээр хариуцлагатай хангаж ажиллахыг анхааруулсан.
2. 6 дугаар сарын 26, 27-ны өдрүүдэд Нийслэл хот орчимд үргэлжилсэн их хэмжээний бороо орох тул үер усны аюулаас болгоомжтой байхыг анхааруулав.

Мөн цаг үетэй холбоотой асуудлаар Газрын дарга дараах үүрэг даалгаврыг өглөө.

1. Үндэсний их баяр наадмаар ажиллах ажилтан, албан хаагчдын нэрс, ажлын хуваарийг нарийвчлан гаргаж танилцуулах.
2. Наадмын хүлээн авалтуудын цаг, хуваарийг асууж тодруулан хоолны цэс гаргаж тохирох.  
3. Байр хариуцсан менежерүүд 6 дугаар сарын 27, 28-ны өдрүүдэд орох үргэлжилсэн аадар бороотой холбогдуулан дээврийн цэвэрлэгээ хийх, болзошгүй аюул, гэмтлээс сэргийлэх.
4. Агентлаг хариуцсан ахлах нягтлан бодогч, нярав нарын ээлжийн амралтыг хариуцсан агентлаг болон төрийн сангийн холбогдох хүмүүсээс тодруулж, эдлүүлэх. /хагас жилийн тайлан, 2020 оны төсвийн төсөөллийг цаг хугацаанд нь бэлэн болгосон эсэхийг асуух/