Байгууллагын ажилтан, албан хаагчдын ажлын тогтвор суурьшил, ар гэрийн тайван байх нөхцөлийг бүрдүүлэх, өртөж болзошгүй гэмт хэрэг зөрчлөөс урьдчилан сэргийлэх, холбогдох хууль, журмын мэдлэгийг дээшлүүлэх, бусдыг уриалах зорилгоор 2021 оны 11 дүгээр сарын 22-ны өдрөөс 12 дугаар сарын 03-ны хугацаанд “Гэмт хэрэг, зөрчлөөс урьдчилан сэргийлэх аяныг зохион байгууллаа. Тус аяны хугацаанд дараах ажлуудыг зохион байгуулсан. Үүнд:
1. Нийслэлийн цагдаагийн удирдах газартай хамтран 2021 оны 11 дүгээр сарын 16-ны өдөр “Гэр бүлийн хүчирхийллийн эсрэг урьдчилан сэргийлэх, эрт илрүүлэх, хариу арга хэмжээ” сэдэвт сургалтыг зохион байгуулж гэр бүлийн хүчирхийллээс урьдчилан сэргийлэх холбогдох хууль, тогтоомж, эрх зүйн мэдлэгийг олгосон.           
2. Ажилтан, албан хаагчдыг гэр бүлийн хүчирхийллээс урьдчилан сэргийлэх, мэдлэг мэдээллийг дээшлүүлэхээр хүний нөөцийн ажилтан А.Гэрэлтуяа “Сайхан харилцаа, тайван амьдрал” сэдэвт сургалтыг НЗЗ-ны байрууд, НҮНТ-ийн салбарууд, Баянхошуу, Сэлбэ дэд төвүүдэд зохион байгуулсан. Тус сургалтад байгууллагын 147 ажилтан, албан хаагч хамрагдсан.
3. Цагдаагийн ерөнхий газраас гаргаж буй өдөр тутмын мэдээ, мэдээлэл, сэрэмжлүүлгийг цаг алдалгүй хүлээн авах үүднээс ажилтан, албан хаагчдыг Цагдаагийн ерөнхий газрын пэйж хуудаст фоллов хийж нэгдэх уриалгыг гаргасан.
4. Ажилтан, албан хаагчдын хууль, эрх зүйн мэдлэгийг бататгахаар хөгжөөнт АХА тэмцээнийг зохион байгуулж байр тус бүрээс нийт 20 ялагчийг тодруулсан. Эцсийн шатны шалгаруулалтад 2 албан хаагч шалгарсан. Тус тэмцээнд байгууллагын 217 ажилтан, албан хаагч хамрагдсан.