Нийслэлийн Нийтлэг үйлчилгээний газрын Биеийн тамир спортын хамтлаг нь нийтийн биеийн тамирыг сурталчилах, ажилтан, албан хаагчдын бие бялдрыг чийрэгжүүлэх, чөлөөт цагийг зөв боловсон өнгөрүүлэх, хамт олны нөхөрлөлийг бэхжүүлэх зорилгоор байгууллагын аварга шалгаруулах 4 төрөлт спортын наадамыг жил бүр уламжлал болгон зохион байгуулан явуулж байна.

2019 оны байгууллагын аваргын шилжин явах цомын тэмцээнийг 2019 оны 04 сарын 27, 05 сарын 05-ны өдрүүдэд ширээний теннис, дартс, гар бөмбөг, сагсан бөмбөг гэсэн 4 төрлөөр зохион байгуулж, байгууллагын нийт 9 багийн 90 гаруй тамирчид оролцож хурд, хүчээ сорин шилдгүүдээ торууллаа.

Тэмцээний нэгдсэн дүнгээр Г.Батзаяа ахлагчтай Galaxy баг 1-р байр, Х.Эрдэнэбилэг ахлагчтай Хангарди баг 2-р байр, Ч.Шинэчимэг ахлагчтай Чансаа баг 3-р байрыг тус тус эзлэж шагналыг байгууллагын удирдлагууд баг, тамирчидад гардуулж өглөө.